完梦之旅－重庆+九寨

由于写这篇游记的目的主要是登在自己空间，所以是用广州话写的，希望大家将就一下！

飞往心中既天堂

10：00 经过琴日系长江索道既碰门钉，我地决定再去坐长江索道。由于时间紧迫，我地决定打的(费用：10蚊)。

10：30 我地黎到长江索道。 重庆主城区有两条独具特色的过江索道，一条系嘉陵江索道：自渝中区沧白路，横跨嘉陵江上空，与江北区金沙街相连；另一条系长江索道：起于渝中区长安寺，横跨长江至南岸区上新街。 乘坐过江索道，除了可以欣赏两江美景外，还可以从索道上俯瞰洪崖洞、湖广会馆、南滨路等著名景观。因为去之前睇资料好多人都话长江索道比嘉陵江索道睇到更多野，所以决定坐长江索道。(单程2蚊，来回可逃票只要吾出闸就得)。所讲既索道其实就好似缆车，但系就比缆车大，大概每次可以坐二三十人。横过长江既时候望落下面，如果有畏高既朋友，可能会有D惊。突然霖起杨慎的《临江仙·滚滚长江东逝水》词, “滚滚长江东逝水，浪花淘尽英雄……”哈哈，真系有诗意。大概五分钟就过到对面，对面就系琴晚黎过既南滨路。由于时间关系，我地企佐一阵望完风景就坐翻往对面既索道。

11：00我地步行翻去“7day”，系途中食佐碗令我地系九寨沟回味既牛肉面(其实碗面吾系真系甘好食，只系打后我地系九寨沟食既的确比较恶劣。费用8蚊一碗)。

11：30我地马不停蹄甘退佐房间，系楼下买佐几个包作为系九寨沟沟内既干粮就打的走(买包果间铺几靓，一路上都见到有距既连锁分店，而且价钱吾算贵，味道都吾错，间店既名就吾记得啦！费用：10蚊)

11：45又要系度赞扬下翀翀，因为我地未上车，翀翀就同个司机讲价“50蚊直飞机场”，系距讲价既同时，我拿拿声上车，因为又惊距拒载。开车之后，个司机就开始讲电话，一路用D带有重庆话既普通话问对方几钱车先载我地去机场好。其实如果我地时间够既话，我地可能会翻机场大巴落车既地方坐翻机场大巴，但由于时间关系，我地已经霖住直飞机场。哈哈，结果个司机真系肯车我地去机场，而且只需55蚊。翀翀好野！！

12：15我地就黎到重庆江北机场，由于时间关系，我地终于可以系机场行下啦！重庆机场真系几靓、几大，而且人吾系太多，感觉几舒服，暖气好够！我地办理佐登记手续就入候机厅。候机厅好多好靓既高级品牌店，而且比我地见到TCBY，系哩个时候翀翀忍吾住啦！要买雪糕食，我地买佐两个硬球，一个系薄荷巧克力味，一个系芒果味(主要系其他想食既味道都无晒，所以要佐芒果味)(费用28蚊)。卖葛！第一啖食落个芒果味度，觉得有D奇怪，食多几啖发现点解好似有D熟，食到一半既时候终于醒起，原来系……大树菠萝味！！哈哈，好搞笑啊！芒果变佐大树菠萝。正系我地品尝紧两个TCBY既时候，翀翀突然讲，好似听到个广播叫紧距个名，我地望下个表13：35，应该仲有时间噶！不过我地都决定准备上机，差吾多到登机口，我听到广播传出我个名。该偎咯！比人“通缉”。去到登机口，个空姐话，“净翻你地两个咋，其他乘客都上晒机，飞机可以提早走”。我地有D吾好意思甘上到飞机，突然听到好熟悉既广州话，原来有一班南湖国旅既九寨沟团(应该系三日团)，可能系广州飞重庆再转机到九寨沟既。

14：05离开重庆地面，开始飞向心目中既天堂啦！系飞机上面越靠近九寨就越见到好多高山，而高山高度已经穿过白云，令我地系飞机上面都见到距既山峰，山峰连绵起伏，有D山顶已经积满雪。飞机就好似系山与山之间飞过，转弯、上升…… 其实我一上机不久就觉得有D高原反应，个心吾舒服，但因为太兴奋，所以都吾理啦！继续系飞机上面影相。

15：10飞机上既广播传出“九寨黄龙机场地面温度1摄氏度”。哇，更难想象1摄氏度系点样。但不容我地去细想，我地好快就拿佐行李走出机场。落机既第一个感觉就系――冷同清，天气冷，人好少。哩个时候已经有人拿住写住我个名既牌系门口接机(之前同旅店约佐接机，200蚊一趟，但比较贵，如果有多一两个人摊分会好好多)。

15：30小车出发，我地正式踏足系九寨既土地。九寨沟！我黎啦！我心中既天堂。但一路上我都觉得好辛苦，可能系高原反应，个心好吾舒服，头有D痛，眼皮好重，好想好想训觉，好累、好累！途中到佐一个刻住“岷江源”既石碑，我地留影佐又马上上车继续上路。路上一开始系普通平路，不久就系有积雪既山路。山路弯道好多，一路上我昏昏沉沉，好在一路有翀翀既照顾，无咩大碍。系路上见到好多藏民既寨子，又见到好多关闭佐既宾馆、酒店，一路上感觉上都好冷清。

16：45我地终于黎到“天堂青年旅舍”(之前系网上稳既，由于好多酒店、宾馆都关佐门，所以只好先系哩都住落。费用80蚊一晚+20蚊暖气，其实果20蚊暖气仅限于一部小型既铁片发热器而已，暖既范围直径只有10CM) 。因为我仲系好吾舒服，所以劳烦翀翀选择房间。我放低野之后就狂着衫，身体开始暖D就舒服佐好多。

17：20我地决定去周围行下，天一入黑就起风，好冻好冻，D风简直系刮面，正如翀翀话斋，好似系块面上片啊！片啊！片皮鸭甘，哈哈！！！好冻！我霖哩个时候已经零下几度了。路上好冷清，好静，街上面得我地两个。我地旅舍行出来就系一条河，我地估距叫“九龙河”(因为旁边有间九龙宾馆，而家先知，原来哩条河叫“白水河”)。河水好急，而且真系好白，水声都几大。我地沿住河一路顶住冷风，互相倚靠住向沟口行。大概15分钟，我地就黎到九寨沟景区门口。天逐渐黑齐，更加冻，我地开始稳地方食饭同安排今晚既节目。

18：15因为实在太冻，我地就打的(费用10蚊)去稳野食。出发之前做功课，听闻沟口附近有大名鼎鼎的边边街，边边街其实就是卖手工艺品的一条街，旁边再衍生些酒店、小吃店。但当司机车我地去到边边街既时候，我地只系见到关闭既一排铺头，好难想象旺季繁华既景象。因为今日系08年既最后一日，我想系甘空旷既地方如果可以烧烟花就好啦！问佐两间铺都无得卖，后来哩度既人话我知哩度禁止放烟花既。无办法，我地只好稳个地方食饭。

18：50我地稳佐间算多人既但好细既店食饭(因为开既铺头好少，食饭既人更少，无得选择)。果间铺既味道吾错，但价钱都吾平，而且可能系高原既原因，D饭系未煮熟既，我地好快就食完。(费用50蚊)。

19：30我地离开食饭既地方，开始稳下有无更好既住宿。途径“喜来登酒店”，哩间酒店系五星级，网上订好似都要500蚊一晚，我地入去行佐一圈，又听到熟悉既广州话，原来南湖国旅团系住哩度既。酒店既装修吾系十分突出，就好似广州既四星酒店甘，但系哩个地方里面已经觉得几舒服，因为有暖气。之后稳佐一间宾馆，但感觉一般，最后又翻到我地间旅舍(的士费用15蚊)。

20：15我地翻到旅舍，抬头发现“新大陆”。哇！好多星星啊！每天既星星忽明忽暗，可以用满天星黎形容。系广州从未有机会睇到，即使系花都都根本见吾到十分一甘多。霖起爸爸好中意既一首歌，歌名叫“朋友”，“繁星流动,和你同路，从不相识开始心接近 默默以真挚待人，人生如梦朋友如雾 ，难得知心几经风暴 ……共赴患难绝望里紧握你手 ，朋友”。我不禁感叹，夜空如此美丽，不禁感叹，世界如此大，即使系同一片天空，吾同地方睇都有甘大吾同。望住广阔既夜空，繁星璀璨，突然有种如释重负既感觉，一直系心头耿耿于怀既事、人、情，顿时感觉到好似放开佐好多。估吾到系08年既最后一日可以见到甘靓既夜景、甘靓既星空，可以感受到甘宁静既夜晚，可以令我全身心甘放松，即使无打后既旅程，我已经觉得不枉此行！我地一边食缤纷乐，一边欣赏住如此美丽既星空，一个钟好快就过佐，但因为太冻。21：15 我地就翻去房间冲凉、休息，准备听日拥抱天堂。

总路线：长江索道→重庆机场→飞机→白水河→沟口→边边沟→喜来登酒店→星空

两人费用： 10+2*2+8*2+10+55+28+200+80+20+10+50+15＝498蚊